Spar pengar við Alpha2
Spar pengar við nýggju Alpha2 sirkulatiónspumpuni frá Grundfos
Ein týðandi partur av hitaskipanini í sethúsum er sirkulatiónspumpan. Hon syrgir fyri at heita vatni úr oljuketlinum ella hitapumpuni verður sirkulerað runt í húsunum.
Tá ið vit skrúva upp fyri termostatunum á raditorum ella gólvhitanum, so vænta vit eisini, at hesir gerast heitir beinavegin. Neyðugt er tí, at sirkulatiónspumpan til eina og hvørja tíð kann fáa heita vatni út í hitaskipanina.
Fyri at halda ein støðugan hita í húsunum krevst eisini at sirkulatiónspumpan koyrir allar tímarnar í døgninum.
Kanna eftir hvussu nógvan streym tín gamla sirkulatiónspumpa brúkar
Eldri sirkulatiónspumpur koyra uttan nakra elektroniska regulering. Hetta merkir, at tær nýta eins nógvan streym allar tímarnar í døgninum alt árið. Vanliga ber til at velja í millum 3 trin sum sirkulatiónspumpan kann koyra við.
Á sirkulatiónspumpuni ber til at síggja hvussu nógv hendan nýtir av streymorku til hvørt einstakt trin:
Á myndini omanfyri sæst ein eldri sirkulatiónspumpa, sum hevur trý trin. Á fyrsta trini nýtir pumpan 30 Watt, á øðrum trini nýtir hon 45 Watt og á triðja trini nýtir hon 60 Watt. Hetta er ein ógvuliga vanlig sirkulatiónspumpa, sum er at finna í fleiri sethúsum í Føroyum.
Við nýggju sirkulatiónspumpuni frá Grundfos ber til at spara heilt nógv
Alt eftir hvussu stórur tørvur er á hita í húsunum, kann nýggja Grundfos Alpha2 sirkulatiónspumpan sjálv regulera, hvussu nógvari megi hon skal koyra við. Hetta merkir, at pumpan einans koyrir við hægri ferð, tá ið tørvur er á tí. Aðrar tíðir koyrir hon við lægri ferð.
Harafturat gagnnýta nýggju sirkulatiónspumpurnar el-orkuna betur enn tær gomlu. Hetta merkir, at ein nýggj pumpa á sínum hægsta trini nýtir minni el-orku enn ein eldri pumpa, ið koyrir á sínum lægsta trini. Til nýggju sirkulatiónspumpurnar fylgir eisini ein bjálvingarkappi, so at hitatapið er sum minst.
Í talvuni niðanfyri kanst tú síggja heilt nágreiniliga hvussu nógv minni ein nýggj sikulatiónspumpa nýtir í mun til eina eldri sirkulatiónspumpu.
Í talvuni er ein Grundfos UPS 25-40 180 samanborin við eina Grundfos Alpha2 25-40 180
Kelda: Grundfos spareguide Alpha2 – Grundfos.dk
Nýtslusamanbering
Niðanfyri er gjørd ein samanbering, har báðar pumpurnar verða settar á trin 2. Hædd verður tí ikki tikin fyri, at nýggja sirkulatiónspumpan eisini kann regulera seg eftir tørvi. Í samanberingini nýtir nýggja pumpan 12 Watt og ein eldri pumpa, sum er framleidd áðrenn 2005, nýtir 45 Watt.
Í roknistykkinum sæst at sparingin er rættiliga stór.
| Grundfos UPS 25-40 180
45 Watt = 0,045 kWh Nýtsla/ár: 0,045 x 24 x 365 = 394 kWh Árlig el-rokning: 394 x 1,89 = 745,- kr v/mvg |
Grundfos ALPHA2 25-40 180
12 Watt = 0,012 kWh Nýtsla/ár: 0,012 x 24 x 365 = 105 kWh Árlig el-rokning: 105 x 1,89 = 198,- kr v/mvg |